有冇後悔買LS我也不清楚，不過絕對都幾係一時衝動架。
我同我bf之前都想話趁雙春兼閏月在出年過年前結婚，不過我係絕對不想花錢租樓住的人，要住就一定要趁低時買。其實上年年中已勸過佢放晒d股票準備完左奧運後入市，可惜佢又冇咁做，遇上金融海嘯，搞到上年年尾就算d樓平左，買得樓來也沒錢結婚。再加上錯過了一個day low，又同好多人一樣觀望農曆年後跌市，二手樓卻反而越升越有，真係唔得佢死。
之前其實一直也不想買一手樓，因為實用面積太掠水，亦覺得luxury club house不設實際，唯一可取的是新樓有個露台及送全屋傢俬電器。在二手升一手擘價的情況下，也頗同意d agent講可以考慮下買減價既一手樓，所以三月時先後睇過亮賢居、海桃灣、i-home等，同時也有繼續睇二手，包括淘大及窩8。亮賢居、海桃灣要over5000/呎，超出budget。i-home雖是單幢，不過市區新樓第一口價below4000/呎是吸引的，在實地視察時遇上一個agent，車了我們去看過showflat後決定入票(雖然不喜歡黑廁)，不過最離譜係發展商未開賣先反價，不過個agent依然叫我地去睇下，那天星期六，混了成個下午，到我們選的時候，最筍那件已經是防火層樓下的約7百多呎大兩房也要成二百尾至三百頭，心想窩8數年樓齡但價錢相約、shk樓近mtr又有名校網，於是冇買i-home了。
輾轉到4月初自己身體有d事，入左醫院幾日又在家休息了一排，見樓價漸升，4月中病癒後的一個星期日又去睇樓，終於決定買左間淘大，不過已經比之前去年10月看的那間貴了0.6m(高層海景vs中低層內園)，其實之前一直也想買多間百零萬收租，不過淘大實在升得太快了，如果升到咁仲買多間似乎不太划算，再計下我地自己既budget及息口下跌因素，bump盡可以買多間around 3m，呢個時候LS就話開賣，仲被人搶到冚冚聲，其實我也是被它廣告那句"Where is your paradise?"吸引，於是心思思在星期日行開TST時去睇佢個showflat（最初仲要唔知地方），其實諗住純粹參觀，最神奇係當日跟另一名agent睇緊時，撞到之前在街識同我地選i-home那位女agent，佢係咁叫我地要買就跟佢買喎（原先帶我們的那個男agent卻就很冇癮了）。我地睇完也沒即時決定，去左食野，食野既時候諗好冇買，如果我同bf都唔轉工其實都算方便返工，而且諗住新樓容易做高成數按揭，於是試下lor，搵番個女agent，不過話一定要平，低層內園也不緊要，最重要是廁所有窗，點知又比佢搵到喎，好似話係以為賣左但其實未賣的貨，即供呎價仲平過佢首批價單最平那單位（仲要唔駛排隊同人爭通宵，unbelievable)，今次我bf做決定，結果買了，當時也不識驚，後來也只是剛剛可以夠做９成上會（因為當時另一個單位尚未出租），因為另一邊租金cover到供樓（只貼少許管理費及差餉地租），如果只計供ＬＳ佔二人入息約３成尚算ＯＫ，只是我倆的全副積蓄也形態大轉移了，如果現在是但賣一邊，賺了的錢就可以出年結婚，不過為了要儲番筆ＣＡＳＨＦＬＯＷ，可能我地都再遲一年先入得ＬＳ住了。我們的故事是否很經典呢！
